Lélegasti bloggarinn á vefnum.

Já ég er orðin alveg svakalega löt við þetta blogg, kannski afþví ég hef bara svo lítið að segja.
Er samt að spá í að breyta þessu aðeins og skrifa bara meira svona um lífið og tilveruna og svolleiðis.
Ég er nú bara búin að standa mig þokkalega í matarræðinu undanfarið. Engin svona meiriháttar afglöp sko. En samt var vigtin að stríða mér í morgun en ég er að vona að það hafi frekar með næturvaktir og öfugan sólarhring að gera en að ég hafi þyngst um hálft kíló!
Tékka allavegana á þessu aftur á morgun.

Annars er ég alveg á fullu að undirbúa brúðkaupið...svaka gaman. Er búin að redda músíkini í veislunni, sem mér finnst mikið afrek. Og það sem meira er ég er búin að kaupa skóna sem mér finnst töluvert meira afrek.
Svo er skreytingadótið loksins komið frá Ameríku, það kom með póstinum í gær enn ég var því miður ekki heima svo það þarf að sækja það á pósthúsið í dag. Ég er voða spennt að sjá hvað kemur upp úr kassanum. Ég hélt ég hefði ekki pantað neitt mikið en svo er kassinn víst 4 kg.
Það næsta á dagskrá er að finna hárgreiðslukonu sem getur eitthvað átt við þetta brjálaða hár sem ég er með. Ég er sko löngu búin að fá Völlu til að mála mig þannig að því er reddað.
Já og svo á ég náttlega eftir að klára boðskortin og senda þau en í dag verður stefnan tekin í bæinn að ganga frá gjafalistunum og jafnvel finna hringa. Púff nóg að gera sko.

Jæja best að fara að koma sér að verki og hætta þessu blaðri...í gær voru réttir 2 mánuðir í brúðkaupið.